سنين الصبر

للشاعر محمد عبد الرضا الذهبي
نبت صبري..
گصب ع الماي .. وسنين العشگ تذبل
اشوكت يكضي.. يلمدلل
دلالك واحنه نتحمل
ترف.. حته الترافه البيك
من نسمة هوه تزعل
الورد منك زهه ابلونه
وتعطر.. بالنده اتبلل
الكحل.. لو لامس أرموشك
يطيح من الجفن ويكوم يتوسل
الحسن.. من شاف حسنك
بعد ماينشال
منك يستحي ويخجل
يارخص المحبه تبيعهه ابميزان
بس ايصوبنه دكانكم عزل
تعط وي النسيم ..
وتمتلي بالغيض
توصل بابنه وتكول ما أندل؟؟

رووعه يابسام اشكرك جزيل الشكر

مماتز...........................انته :اوكي