الخيل الخيل(ابا ذر الحلواجي)

قصيدة لاْباذر الحلواجي من اصدار الظليمة

الخيل الخيل



الخيل الخيل اجتنه خويه يحسين
بحوافرها اسحقتنا خويه يحسين
دقوم الحــق علينه خويه يحسين
يبو الغيرة انسبينه خويه يحسين
--------------------

ياللي غـــــسلك صار من دم النحر
لك عن الصـــــيوان ما وصل خبر
شبو النيران والخــــدر استعــــــر
والحرم تنخــــــــاك لا وين المفــر

يلــــــيتك ما عـــفتنا خويه يحسين
حيارى وضــــــيعتنا خويه يحسين
حراير لو شفتـــــــنه خويه يحسين
هظيمة وحسرة متنه خويه يحسين
--------------------

شحچي لك يحسين عن حال الخيم
شفنا وجـــــه الموت بالنار ارتسم
سحقوا الأطفال ما واحــــــــد سلم
من دليلك ليش ما شلت الســـــهم

تعنيت الشـــــــريعة خويه يحسين
لبو اجفوف القطيعة خويه يحسين
قلت له اشهالفجيعة خويه يحسين
بعدكم ضــعنا ضيعة خويه يحسين
--------------------

رحت إلى العـــباس خويه أسأله
وينه وعده وليــــش خله العايله
ما نريد الماي يا بــــــو المرجله
إنته بس ردناك تبقــــــى بكربله

ولا كافل بــقـــى لنه خويه يحسين
حسافه وضاع املنه خويه يحسين
ننـــــادي من فزعنا خويه يحسين
ولا واحــــد سمعنه خويه يحسين
--------------------

وين نلجى اخيــــام كلها امفرهده
وبالزلم والخيل حاطتنـــــه العدى
حرم اويه اطفال كلـــــــها مشرّده
ما تعـــــاينها يمــــــسلوب الردى

إلينه اتعنى حيــدر خويه يحسين
ويصيــح الله أكبر خويه يحسين
بنات الزهره بالبر خويه يحسين
مابين النار والحر خويه يحسين

مشكوررر بارك الله بيك
في ميزان حسناتك
تقبل مروري