قلب زينب بالصبر مثل الحديد
السيد سعيد الصافي الرميثي
1. قلب زينب بالصبر مثل الحديـــــــــد**و بالبــلاغـــه شيــدت صــرح الإبــه
2. اتحدت الحاكم الطاغوت العنيــــــــــد**ووقفت إقباله بشجاعه اتخاطبـــــــــــه
3. كيد كيدك و اسعى سعيد يا يزيـــــــد**و بالمكر و الحيله جهدك ناصبــــــــه
4. و الله ما تحمي ذكرنه اشما تكيـــــــد**و احنه أهل الشرف و أصحاب العبه
5. و تعجز اتموت وحي الذكر المجيــــد**أكثــر اظنونــك سراب و خـايـبــــــه
6. قدرك أستصغره و ذمك مايفيـــــــــــد**و حتى توبيخك يزيد أستصـعبـــــــه
7. و الصبح مقبل علينه و مو بعيــــــــد**اتـرقـب و احـنـه بـأمـل نـتـرقـبــــــه
8. و النتيجه واضحه و يوم الوعيـــــــــد**مــن يـنـال ابـفخـر حسـن العاقبـــــه
9. بالخزي ابدنياك ابشر يا يزيـــــــــــــد**و بشنار و عار نار اللاهبــــــــــــــه
10. احنه أهل الذكر و النهج الرشيــــــد**و الله خصنه ابها الشرف و المرتبه
11. و احنه جدنه الحرر الناس العبيــــد**و هذبه الباري ابصفاته و أدبــــــــه
12. و احنه للمعبود قدمنه اشيريــــــــــد** و صرنه أجر الكل موده و مقربـه
13. و عدنه عزه و ما نمد للذله ايـــــــد**و الظلم طول الزمان انحاربــــــــــه
14. و عدنه يا مرخص ثمن قطع الوريد**و لا نخون البليمين انكاتبـــــــــــــه
15. و آنه اخت الحسـن و احسين الشهيد**الشيبته ابدم الكرامه امخضبــــــــه
16. و اخت من خله الأرض قامت تميد**و كربله تحلف ابرفة شاربـــــــــــه
17. آنـه اخـت القمــر عبـــاس العميــــد**ابو الرايه الما طوتها النايبــــــــــــه
18. يظل جرح الثار ينزف ما يهيــــــد**لمن غايبنه يقوم المطلبــــــــــــــــــه
موضوع: قلب زينب بالصبر مثل الحديد 
