الشاعر ابو فاطمة العبودي - حسين مولا
ركضة طويريج من يمحيها
والامام المهدي يحضر بيها
حسين حسين ياحسين مولا
ركضه طويريج توجها الفخر
للوفا والتضحيه شبيها صــور
مايماثلها عزا بكل الدهــــــــر
ينور حاضرها بشمس ماضيها
حسين حسين ياحسين مولا
منها صرخه وياحسينا ترتفــــــع
صرخه حتى العرش منها ينفجع
مستحيل الركضه هاي تنمنـــــع
الله يخذل كلمن يعاديها
حسين حسين ياحسين مولا
الها رايه ارتفعت بعلو النجـــــوم
مايهمنا اللي يعارضنا ويلــــــــوم
يروي هذا الخبر عن بحر العلوم
المهدي بيها دمعته يجريها
حسين حسين ياحسين مولا
شافو المهدي يهل دمعة العيـــــــــن
وعلى راسه حيل يلطم بالايديــــــن
مع الركضه يدخل الصحن الحسين
وعلى جده صرخته يعليها
حسين حسين ياحسين مولا
يذكر الصار وجرى بطف كربلا
والمصيبه قباله تصبح ماثلـــــــه
ذهنه يتصور فرار العايلــــــــــه
ويذكر شلون العده توليها
حسين حسين ياحسين مولا
بركضة طويريج ياجدي اجيت
طفت شباكك بحسراتى وبكيت
مثل حنوك لعباس انحنيــــــت
حين طاح وهامته مهشميها
حسين حسين ياحسين مولا
قعدت عد راسك ارادف حسرتي
سهم جبدك جن اهيسه بجبدتـــي
قمت اتصور الزينب عمتـــــــي
من عقب عيناك ياواليها
حسين حسين ياحسين مولا
شلون من نوحي عليك اهجع واهيم
وانت ياجداه محزوز الوريــــــــــــد
ويمك وليدك على الاكبر شهيــــــد
بالمواضع جثته مخذميها
حسين حسين ياحسين مولا
آه ياسلوة الزهره الطاهـــــــــره
موقفك ياجدي جن اتصــــــوره
شفت طفلك حين قطعوا منحره
نبله جانت بالسم مخليها
حسين حسين ياحسين مولا
للخيم جبته وتكفكف دمعتك
عمتي زينب بلوعه تلقتـــك
وين عبد الله بدمعها نشدتك
ظنتك سالم ترجعه ليها
حسين حسين ياحسين مولا
حسين حسين حسين حسين
حسين حسين حسين حسين
حسين حسين ياحسين مولا
آه ياجدي شفت بالطف محــــــــن
بالبواجي دموعك عليهن صفـــــن
من شفت جاسم الشاب ابن الحسن
كفوفه من فيض الدما محنيها
حسين حسين ياحسين مولا
نهار عاشر ماحصل مثله نهار
شفت بيها تذبحت كل الانصار
والخيم ياجدي تتلاهب بنـــــار
وانت ماتقدر تجي تطفيها
حسين حسين ياحسين مولا
اذكرك بالمصرع تدير النظـر
عالخيم نوبه ونوبه على النهر
تريد تنخى كنك حزام الظهــر
عالشريعه كفوفه مقطعيها
حسين ياحسين مولاحسين
جيتك انا اليوم هذي طلبتــي
بجاهك الباري يعجل طلعتى
رايه العباس تصبح رايتـــى
تكون كل العادتك افنيها
حسين حسين ياحسين مولا
موضوع: الشاعر ابو فاطمة العبودي - حسين مولا