عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله
صدى صوت المصاب الضيع سنيني
ليل نهار يا زينب يناديني
يهيج كل جرح بيا ويبكيني
يذكرني بكفيلي الكان يحميني
شهر الكِسر قلبي وزيد ونيني
على هلاله تصد بيا نظر عيني
اشوف شلون الهلال السباني
غريبة بحسرة الوالي دعاني
بقيت الوحدي ودموعي همالة
لهلال الشهر تحسب الناس حساب
ما بين اليتاني عودة الغياب
بين الينتظر طارش من الاحباب
وانا شنتظر يا كف يدق الباب
اخوتي والبنين وكل هلي الاطياب
عافوني بمصاب الماكو مثله مصاب
آرامل ودعوا عندي ويتامى
على متوني الهضم تارك علامة
صحت يا حسرتي والحسرة قتالة
شهر العالهزل مشاني مشتوفة
وصوبني بجروح الشام والكوفة
عساني بلا نظر وهلاله ما اشوفه
بقيت بلا ولي ودموعي مذروفة
وآنا بت علي البالهيبة معروفة
خيال الشمس تخجل لمن تطوفه
على الشاطي بسهم صوب دليلي
وطيح مهجتي بطيحت كفيلي
عقب ذاك الخدر لني بيا حاله
هلال الحزن شفته ولا هلا ناديت
يا هلال المصايب عندي شخليت
اجيب ويا اخوتي والوحدي رديت
بين الذكريات وغربتي ظليت
اطشن كل ضوى عيوني بظلام البيت
ولا ليلة تمرني من البكي عنيت
واقول شلون ابطل من ونيني
سؤال على اخوتي يهيج حنيني
ولمفارق عزيز النوح يحلاله
سنة مرت عليا وانا مفجوعة
اذكر يا مصاب وانسى يا لوعه
صور مني الحزن بعيوني مطبوعة
واحاذر ما اون ونة مسموعة
واحس جفن العيون تجرحه دموعه
ولو دمعة مصابي دمعة مشروعة
قلب عندي الصبر اصبح صفاته
اخاف حسرتي تسر الشماتة
وانا القلب فقد يا ناس آماله
شلي بشوفة هلال البدد احلامي
كسر خاطر شعوري وهيج آلامي
عسى لا طال عمري وقصرن ايامي
هلالٍ ونار اشوفن قمت جدامي
خيل بلا رحم متعنية لخيامي
طفلة مسلبة وشبدة طفل ضامي
اكابر واشقف السوط باديا
وصية بذمتي وصعبة الوصية
اخوي حسين عندي ودع اطفاله
موضوع: السيد سعيد الصافي الرميثي - عتابي