اوصيك يا زينب

====

أوصيك يا زينب

====



يا زينب صبري عالنوايب ..

وهاذي أول المصايب ..

يا نور العين .. لا تنعين .. في قلبج عهد ليّــا ..

====



أنا يا زينب حياتي خلصت، وبيّن مماتي ..

قبل السفرة الطويلة سمعي من قلبي وصاتي ..

أنا أمّّــنتج ثباتي وصبري وحجابي وصلاتي ..

يا مدد عمري وحضوري وقلبي وعيوني وصفاتي ..



أمّاه الحنين في سمعي ..

فاستوحي الجواب من دمعي ..



إني حرة ٌ إذا .. حوّلَ الأذى .. طبعكِ وطبعي ..

زهرائي فديتكِ ضلعي ..



تمنيت القبر يضمني ..

بدونج عمري ما يهمني ..

كئيبة الدار .. بالأكدار .. يسهر شوقي ليلية! ..



يا زينب صبري عالنوايب ..

وهاذي أول المصايب ..

يا نور العين .. لا تنعين .. في قلبج عهد ليّــا ..

====



عقب ضلوعي الهشيمة ولطمة عيوني الأليمة ..

علي يتحدد مُصابه وتكثر بجرحه الهضيمة ..

إلج الوالد يخلي سجدة الشكر العظيمة ..

أمل الدنيا على صبرج يا أعز وأروع يتيمة! ..



هذا الجرح نزفه أخضر ..

لي قطفٌ به إذا أثمر ..



أجني صبر والدي .. في شدائدي .. فهو ليس يُقبر ..

الحوراء كلها حيدر! ..



علي ما فارقه ضميري ..

مصيره منحسب مصيري ..

فداه الروح .. قبل النوح .. عقبه الدنيا مقضية! ..



يا زينب صبري عالنوايب ..

وهاذي أول المصايب ..

يا نور العين .. لا تنعين .. في قلبج عهد ليّــا ..

====



إذا قابلتي الإهانة وشفتي آثار الخيانة ..

وإذا شفتي الدنيا غدرت والحسن طلـّـق زمانه ..

محد من النسوة غيرج يقدر يشيل الأمانة ..

يا فدائية يا زينب يا دوا جروح الديانة ..



يا أمي فداؤه عمري ..

والصلح الجريح في صدري ..



لا عزمٌ سيرتخي .. شدهُ أخي .. فاستقام صبري ..

ثأر المجتبى غدا ثأري ..



أخويه وعمري ما نسيته ..

فديته بمهجتي فديته ..

يا يمه شلون .. لحظة يهون .. هذا اللي سكن بيّـا ..



يا زينب صبري عالنوايب ..

وهاذي أول المصايب ..

يا نور العين .. لا تنعين .. في قلبج عهد ليّــا ..

====



ألم الغربة يتوالى والنحر يسقي العدالة ..

صبر بقلبج أشوفه يعبر الدم من خلاله ..

جسد حسين اللي يروي قصة ضلوعي بخياله ..

يا عقيلة بهالمصيبة وجهي للعالم رسالة ..



ثاراتُ الحسين في دمّي ..

إن جاء اسمه أتى إسمي ..



لن أحني الجبين لا .. لو بكربلا .. فاضَ بحرُ همي ..

لن أنسى الحسينَ يا أمي ..



لمازج دمعتي بوريده ..

وأروح لدمعتي شهيدة ..

ألاقي وين .. مثل حسين .. يسوى بنظرته الدنيا! ..



يا زينب صبري عالنوايب ..

وهاذي أول المصايب ..

يا نور العين .. لا تنعين .. في قلبج عهد ليّــا ..

====

مشكوررر بارك الله بيك
في ميزان حسناتك
تقبل مروري